嚴格來講我冇見過我媽媽.... |
陳渝英 (冰冰) |
得救 2021-07-04 |
嚴格來講我冇見過我嘅媽媽，細個嘅時候，為了令自己生活如常，幫我這個消失咗嘅媽媽安排了一個好合理化的藉口，我一直都以為自己已經接納了這一個現實，認為自己搞得掂，well being 。
但當我長大後，我原生家庭嘅影響就開始浮現，成日有控制唔到嘅情緒出現，於是我搵咗一個心理學博士幫我做?好長時間?輔導，發現我同我媽媽之間嘅關係係冇辦法復修。
有一晚我為咗呢件事喊得好厲害，不停咁祈禱，覺得自己冇辦法解決，然後禱告中聽到神問我，我嬲唔嬲我媽媽，平日嘅我會話唔嬲，因為我已經為佢編咗個藉口，但我知道我這樣說其實是謊話，因為我從來冇面對過自己的憤怒，耶穌問我嬲什麼，我就將自己壓抑的情緒爆發出來，原來我一直好嬲。然後耶穌問我，你會唔會原諒佢?
我問耶穌，如果我媽媽知錯了，請求你原諒，你會原諒佢嗎？
我就知道答案了！
我決定追隨主耶穌，我也會效法?。
我原諒了我媽媽。
然後有一股清泉，由頭沖洗到腳，我感到釋放，解脫。之後我仲學習如何為媽媽祈禱，希望將自己的愛，透過主耶穌傳送給她。
主耶穌幫助我解決一個人都沒辦法解決的問題。釋放醫治我。
今日，我唔再害怕被問及有關媽媽的事，也沒有被牽連的情緒，重點係，我同我女兒能夠建立良好的關係，能夠在負面的家庭影響中，重新啟動正面的思維和發展，一切都係主既恩典。
